En Ukrainio la homoj estas dividitaj inter tiuj, kiuj favoras al daŭra alproksimiĝo kun Eŭropa Unio kaj la civiliza modelo, kiun Usono eksportas (trudas?), kaj tiuj, kiuj volas resti ĉe la rusa flanko, kie Putin regas absolute. Ĉu la homoj, kiuj batalas unu kontraŭ la alian, vere konas tiun, kiu estas la malamiko?
Vi eble rimarkos ke en la unua numero de ĉi tiu jarkolekto ni same pritraktis la temon Ukrainio. Ni revenas al ĝi nun ne pro iu aparta prefero, sed ĉar ni estas gazeto, kiu dependas de volontulaj kontribuantoj por prezenti al vi bonan materialon. Kaj ĉar Andreo Jankovskij proponis al ni sian artikolon kaj ĉar Vasilij Milushnikov afable respondis al nia peto kontribui, ni povas prezenti al vi la du flankojn de tiu situacio per la plumo de du ukrainianoj. Kiel mi jam diris foje, kial ni devus silenti pri tiklaj temoj? Nia celo ne estas akrigi disputojn, sed doni rajton al ĉiuj esprimi sin.
Nun pri gajaj temoj: en nia rubriko Intervjuo gastas Martin Wiese, la kantisto kaj gitaristo de la legenda (nun bedaŭrinde finita) muzikgrupo Persone. Li ĵus lanĉis sian novan muzikan albumon Superbazaro. Mi estas deklarita admiranto de lia muziko. Aldone, en tiu ĉi numero vi malkovros multajn interesajn informojn, kiel ekzemple ke en Argentino, la lando de la lasta Universala Kongreso de Esperanto, estis inventitaj multaj niaj ĉiutagaj objektoj, kiel la globkrajono; ke en Nepalo ekzistas multe pli da lingvoj ol vi povas imagi, kaj ke utopio estas uzata kiel filozofia studobjekto por rekonstruado de la socio.
Multaj homoj demandas pri la facillingvaj artikoloj, kiuj lastatempe mankis en la gazeto. Tiaj artikoloj venas malofte al ni, tial ni konstante serĉas ilin. Se vi interesiĝas, vizitu nian retejon por tie trovi pliajn informojn kiel helpi. Dume ni trovis solvon, tio estas la faciligo de la rubriko Varsovia Vento, kiun ni entreprenis antaŭ kelkaj numeroj. Mi adiaŭas por nun kaj revidos vin en la venonta eldono, kiu espereble alportos pli leĝerajn temojn!
La elŝutado de tiu ĉi numero eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, vi povas tuj aboni ĝin per reta abonilo. Pliaj informoj ĉi tie.
Bonan apetiton!
Rogener PAVINSKI
Redaktoro de Kontakto
Abomenajxo! Senpruve la auxtoro decidis cxion anticipe- EU kaj Usono estas bono, Putin estas malbono. Kial do? Mi pli kaj pli seniluziigxas pri esperanto. Esperanto devas forvisxi limojn permesante homojn paroli unu la alian senpere kaj libere. SED! Amaso de miaj esperantoamikoj, sciante ke mi estas ruso, neniam demandis min-"niaj gazetoj diras pri via lando kaj Putin tiele kaj tiele... Kion opinias vi? Cxi la skribito estas laux vi vere?" Vane... La esperantistoj-amikoj fremdlandaj preferas pridiskuti onidirojn kaj fabelojn kiujn ili legis en iliaj gazetoj pri Ukrainio kaj Rusio kaj tute ignori, ekzemple, mian opinion... Mi havas ekzemplon kiam Usonaj esperantistoj, konante esperantistojn en Krimeo, neniam demandis ilin pri tio kio reale estis okazigxanta en Krimeo kaj entute kredis fabelojn de Usonaj TV kaj gazetoj. Kiel eblas tio? Por kio ni lernas esperanton? Cxu ne por internaciaj konversacioj kaj ne por eksciado de la informacio el la "unuaj manoj"?
ReplyDeleteSaluton Yakunin. Mi konsentas kun vi ke Esperanto devas helpi la homojn forigi la limojn kaj tion ni faris kiam ni permesis ke du malsamaj opinioj trovu esprimeblecon en niaj paĝoj.
DeleteLa opinio de ukrainano loĝanta en Donecko estas tute malsama al tiu loĝanta en Kievo. Se vi Ŝatus verki pri tio, kio okazas en Krimeo vi estas bonvena skibi al ni ĉe kontakto@tejo.org
Dankon!
Saluton! Mi estas esperantisto el Donecko. Mi volas ke la tuta mondo sciu ke Rusio kun helpo de 5% rusaj separatistoj okupis parton de Ukrainio.
ReplyDeleteSaluton! Estas interese cxu multaj esperantistoj en Rusio subtenas agreson de Kremla kliko kontrau Ukainio?
ReplyDelete