Kontakto

Daŭripova Evoluigo: Kio ĝi estas? Kontakto 2012:2 aperis en la reto!

2012-05-14T14:01:00.000-07:00

Post iom da malfruo jen aperas por vi la nova numero de Kontakto.

Ekologio estas nova tendenco kaj ĉie oni parolas pri Daŭripova Evoluigo. Sed kio ĝi estas? Aŭ pli bone, kio ĝi ne estas? Ambaŭ respondojn vi trovos en la nuna numero, kies ĉeftemo estas pli ol ĉio verda! Ĝia .pdf-versio jam troviĝas ĉe la Reta Jarlibro de UEA.

En nia intervjua rubriko, unuafoje aperas intervjuo kun virino! Agenita Ameno estas socia sciencisto, kiu esploras pri la virina socia kondiĉo. Ŝiajn esplorojn kaj konsciajn opiniojn vi certe kun intereso legos.

Plue, en la nuna eldono troviĝas artiokolo pri la Esperanto-radio por Androjdaj telefonaparatoj kaj belaj infandesegnaĵoj. Kaj certe ankaŭ ne mankas niaj rubrikoj kiel "La Blaga Blogo", "Tiel la mondo..." kaj "Facila".

Ni memorigas ke la elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie.

Bonan legadon
Rogener Pavinski
Redaktoro de Kontakto
kontakto.tejo.org

Komuna abono

2012-04-15T12:56:00.000-07:00

EASP [Esperanto-Asocio de San-Paŭlo] pere de sukcesa aliĝo-kampanjo kolektis 40 abonojn de la revuo Kontakto, per kiuj ĝi regalis la fruajn aliĝintojn por la jaro 2012. Per tiu kampanjo la asocio profitis la 40%an rabaton por komunaj abonoj. Jen bonega iniciato imitinda por aliaj asocioj.

Patriotismo: Ĉu ĝermo de ŝovinismo? Kontakto 2012:1 jam estas en la reto!

2012-02-24T18:03:00.000-08:00

Patriotismo. Kio ĝi estas? Kiu estas la limo inter naciismo kaj ŝovinismo?

Jen la ĉeftemo de la nova eldono de revuo Kontakto, kies .pdf-versio jam troviĝas ĉe la Reta Jarlibro de UEA. La temo estas tikla kaj ankaŭ tuŝas la Esperantistojn - ĉu ni senzorge ligas la Internacian Lingvon al ŝovinismo per la tradiciaj emblemoj de la E-movado?

Tiklajn temojn tamen tute ne devas timigi komunikiloj kaj komunikantoj. Kalle Kniivilä, nia ĉi-numera intervjuato, verŝajne jam alkutimiĝis al kritikoj pro Libera Folio, la retejo, kiun li kunfondis kaj administras.

István Ertl (redaktoro de Kontakto antaŭ 20 jaroj), debutas ĉi-numere sian acidan humuron per la rubriko “Tiel la mondo...”. Ĉi-eldone vi ankaŭ trovos artikolojn pri scienco, teknologio kaj kino. La blaga blogo, nekredeblaĵoj, krucenigmo kaj la rubriko TEJO-Tutmonde kompletigas tiun buntan numeron.

Ni memorigas ke la elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie. Protifu la ŝancon ke TEJO kaj Kontakto premios novajn abonantojn en 2012. Estas la lasta semajno por havi ŝancon ricevi senapagan mojosan T-ĉemizon!

Bonan legadon
Rogener Pavinski
Redaktoro de Kontakto
kontakto.tejo.org

Ne mankas kialoj por membriĝi en TEJO

2012-02-18T09:15:00.000-08:00

Video pri la membro-kampanjo de TEJO!

El Popola Ĉinio engaĝos fremdlandan e-istan redaktoron

2012-02-07T10:04:00.000-08:00

El Popola Ĉinio ( www.espero.com.cn) estas Esperanta retejo, kiu dissendas informojn pri socio, kulturo kaj ekonomio de Ĉinio kaj ankaŭ Esperanto-movado.

Nun ĝia redakcio intencas engaĝi fremdlandan e-istan redaktoron, kiu plenumos laboron verki artikolojn por, redakti kaj lingvopoluri artikolojn de la retejo. La kondiĉoj por kandidatiĝi al la posteno estas, ke li aŭ ŝi devas esti malpli-ol-50-jara, havi klerecon de supera lernejo, posedi relative altan nivelon de Esperanto, esti sperta en redaktado kaj koni la ĉinan kulturon. Aparte bonvena estas tiu, kiu profesie okupiĝas pri historio, sociologio kaj literaturo. Por faciligi la vivon en Ĉinio oni preferas, ke la dungoto povas paroli en la ĉina aŭ angla lingvo.

Kiu interesiĝas pri la posteno, bonvolu sendi materialojn inkluzive de nomo, sekso, aĝo, ŝtataneco, loĝ-loko, intereso, profesio, esperantista kariero, eduka diplomo, kaj esperantaj verkoj al la retpoŝto: chenji99@yahoo.com.cn

USSR 20 jarojn poste. Kontakto 2011:6 finfine aperis en la reto!

2011-12-30T15:32:00.000-08:00

Ĝuste kiam vi kredis ke nenio plu okazus ankoraŭ en 2011...

En la lasta tago de la jaro tamen ni aperigas rete la lastan n-ron de Kontakto en 2011. "USSR 20 jarojn poste", estas la temo de la ĉefartikoloj en tiu ĉi numero (2011:6), kies kies .pdf-versio jam troviĝas ĉe la Reta Jarlibro de UEA.

20 jarojn poste, la mondon ne plu dividas du malsamaj ideologioj. Socialismo por plejmulto de la homaro apartenas al la pasinteco kaj la tre interesaj kontribuaĵoj pri la temo respegulas tion. Ĉe nia intervjua rubriko, ni gastigas unu el la plej talentaj Esperantaj muzikistoj: Nanne Kalma. Li rakontas i.a. pri sia kariero, pri la disiĝo de Kajto kaj pri ĝia plej lasta albumo "Duope". En "Historio" vi legos interesan artikolon pri la tragedio de la vulkano Vezuvio antaŭ ĉ. 2000 jaroj. Aldone, vi trovos niajn konatajn rubrikojn "Facila", "La blaga blogo", "Recenzo" kaj la TEJO-movada "TEJO Tutmonde".

La elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie.

Laste, grava informo estas ke TEJO kaj Kontakto premios novajn abonantojn en 2012. Pliajn detalojn en nia retejo. Ni petas bv. disvastigi la informon!

Bonan legadon
Rogener Pavinski
Redaktoro de Kontakto
kontakto.tejo.org

TEJO kaj Kontakto premios novajn membrojn!

2011-12-28T13:41:00.000-08:00

TEJO kaj Revuo Kontakto eklanĉas abono- kaj membro-kampanjon, kiu disdonos premion por novaj membroj. Personoj, kiuj unuafoje aliĝos kiel individua membro de TEJO aŭ aparte abonos la revuon Kontakto komence de 2012 ricevos TEJO- aŭ Kontakto-T-ĉemizon. Ricevos ilin tiuj, kiuj aliĝos/abonos de la 1a de januaro ĝis la 29a de februaro 2012.

Ne necesas aparta proceduro por ricevi la premion. La aliĝsistemo aŭtomate rekonas unuafojoajn membrojn. La premioj estos senditaj post la fino de la abono-kampanjo (post la 1a de marto).

La membroj de TEJO, kiuj ankaŭ deziros ekhavi la novajn T-ĉemizojn, ricevos rabaton por ilin aĉeti tiam, kiam la vendado komenciĝos. Disvastigu la infomon al viaj konatoj, kiuj ankoraŭ neniam estis individuaj membroj de TEJO. Jen la ŝanco por komenci la novan jaron kiel bele vestita TEJO-ano!
Aliĝu nun al TEJO.

Ekologio

2011-12-21T17:37:00.000-08:00

Troa poluado, transgenaj manĝaĵoj kaj klimatŝanĝiĝo. Kiel protekti la biodiversecon, la endanĝerigitajn speciojn kaj la naturajn mediojn? Kiuj estas la nuntempaj teknologiaj solvoj por la naturprotektado? Homaro ĵus atingis 7 miliardon, Kanado forlasis la protokolon de Kioto...Ĉu la planedo Tero havas ŝancon? Verku pri la temo!

Kian lingvon vi parolas? Kontakto 2011:5 jam aperis en la reto!

2011-11-29T08:53:00.001-08:00

Kian lingvon vi parolas? Lingvoj, menso kaj iom pli...Jen la la temo de la ĉefartikoloj de la nova numero de revuo Kontakto (2011:5), kies .pdf-versio jam troviĝas ĉe la Reta Jarlibro de UEA.

Lingvoj rolas en tiu ĉi numero per kvar artikoloj, per kiuj vi malkovros interesaĵojn pri diversaj lingvoj, pri rapidlegado, rilato inter Esperanto kaj la latina lingvo kaj pri la brajla skribsistemo.

Pri sia 35-jara laboro super la gazeto "La kancerkliniko", krom la muzika kaj traduka agado, rakontas Ĵak Le Puil en nia intervjua rubriko. Ankaŭ vi trovos ĉi-eldone artikolojn pri scienco, pri pentrarto el Ĉinio, la blagan blogon, poeziaĵon kaj la rubrikon TEJO-Tutmonde.

La elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie.

Bonan legadon
Rogener Pavinski
Redaktoro de Kontakto
kontakto.tejo.org

Konsumismo

2011-11-10T11:03:00.000-08:00

Kiu konsumas kaj kiu estas vere konsumata? Konsumismo estas la arto krei en ni la aĉetemon pri produktoj, kiujn ni ne vere bezonas. Ĉu vi aĉetas superfluajn varojn? Ĉu konsumismo helpas disvolviĝon aŭ malsanigas la socion?

"Interreto: Liberiga aŭ dependiga?" Kontakto nº 244 aperis en la reto!

2011-10-06T08:25:00.000-07:00

Interreto estas la temo de la ĉefartikoloj de la nova numero de revuo Kontakto (2011:4), kiu jam troviĝas ĉe la Reta Jarlibro de UEA. La bono kaj malbono de la teknologio, kiun neniu plu povas preteratenti. Ĝi jam ludas ĉefan rolon ĉe politikaj ŝanĝoj en la mondo. Ĉu ĝi estas liberiga aŭ dependiga?

En nia intervjua rubriko estas Sam Green, la reĝisoro de "Utopio en 4 Movimentoj", kiu ĵus lanĉis duan filmon pri Esperanto: "La Universala Lingvo", kies recenzon vi ankaŭ trovos ĉi-eldone kune kun ko-diskoj de Vinilkosmo kaj libro de Sen Rodin. Legindas plu la Blaga Blogo, reago-artikolo pri atomenergio, rubriko TEJO-Tutmonde kaj multo pli.

La elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie.

Bonan legadon
Rogener Pavinski
Redaktoro de Kontakto
kontakto.tejo.org

Gajnu la 2an Volumon de Hiphopa Kompilo!

2011-08-23T13:25:00.000-07:00

Revuo Kontakto kune kun la disko-eldonejo Vinilkosmo premios siajn kunlaborantojn per la nova Hiphopa Kompilo Volumo 2.

Se vi volas ricevi kiel premion tiun albumon, sendu kontribuon al Kontakto ĝis la venonta limdato, la 1an de oktobro. Vi povas kontribui per plej diversaj temoj, se vi volas trovi inspiron, vizitu nian temaron kaj elektu temon, kiu instigas vian verkemon. La lotumado okazos post la apero de la numero 2011:5

La nova numero de Kontakto jam estas en la reto

2011-08-15T23:23:00.000-07:00

La pdf-versio de "Kontakto 2011:3" jam haveblas ĉe la Reta Jarlibro de UEA. Ĝi ĉefe traktas la novan muzikan eraon, kiu inkluzivas la morton de la ko-diskoj, la mp3-formaton kaj la estonton de la Esperanta muziko per ampleksaj artikoloj pri la temo.

En nia intervjua rubriko estas Irek Bobzrak, la voĉo kaj animo de la podkasto Varsovia Vento. Artikoloj pri artefarita intelekto, ĉinaj freskoj, moldavia subtera vino-urbo enhavas tiu ĉi numero. Ankoraŭ ĝuindas ĉi-eldone la rubrikon kun facila teksto, la Blaga Blogo, TEJO-Tutmonde kaj multon pli.

La elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie.

Bonan legadon
Rogener Pavinski
Redaktoro de Kontakto
kontakto.tejo.org

Dolĉamar - Ne plu juna, nek idealista

2011-07-25T16:01:00.000-07:00

Dolchamar estas finna muzikgrupo, sed tiu ĉi nomo antaŭnelonge estis kvazaŭ sinonimo por “Ĉu vi pretas? !” - titolo de ĝia unua ŝlagro de ĝia unua albumo “Lingvo Intermonda” de 2000. La sinonimo ŝanĝiĝis, la ŝlagro en 2005 estis “Junaj Idealistoj”
de la dua albumo “Rebela Sono”. Ambaŭ muzikaĵoj kaj respektivaj albumoj furoris inter junaj esperantistoj.

‘Trajn’ nenien” la tria albumo de la finna bando, kiu koncipiĝis en la fruo de la jaro 1999, prezentas novan stilon por sia muziko samkiel okazis inter la unua kaj dua albumoj. Ĉu “Trajn’ nenien” same plaĉos al la publiko, kiel la antaŭaj? Tion provas repondi Patrik Austin, la fondinto kaj kantisto de la grupo en la intervjuo por Kontakto.

La muzikgrupo ĉiam travivis ŝanĝojn - konsiste, muzike kaj êc nome - de Dolcxamar al Dolchamar, kaj preskaŭ Dolĉamar. Sed la metamorfozo ankaŭ atingas la kantiston Austin, kiu rakontas ke la bando jam ne estas la sama kaj ke ne plu indas esti idealisto. Ĉu estonte Dolchamar estos sinonimo por “Maljunaj konformistoj”?

Legu la intervjuon en la n-ro 243 (2011:2) de Kontakto.

Interreto

2011-06-21T13:59:00.000-07:00

Interreto estas la plej granda ponto inter ĉiuj kontinentoj de la mondo. Per ĝi eblas ekscii ĉion, kio okazas en ĉiuj partoj de la mondo. Ĝi havas nek limon nek baron. Ĉu la Interreto estas la plej proksima atingo al pura demokratio? Aŭ ĉu ĝi estas simpla nenies teritorio, kie ĉiu povas fari kion ajn oni volas?

Ĉu la libereco en Interreto estas danĝera por la socio? Kelkaj landoj nun diskutas la kreon de reguligaj leĝoj por la uzo de Interreto. Ĉu vi kredas ke leĝoj povas helpi al pli bona uzo de la Interreto aŭ ke la registaroj ne povas decidi la informojn al kiuj vi rajtas aliri?

Interreto estas temo, uzu vian kreemon kaj verku pri la ĝi!

La nova numero de Kontakto jam estas en la reto

2011-05-24T10:51:00.000-07:00

La pdf-versio de "Kontakto 2011:2" jam haveblas ĉe la Reta Jarlibro de UEA. La ĉef-temo de tiu ĉi numero estas "Nuklea Energio", kiu lastatempe estis multe diskutata pro la akcidento en la Fukuŝima nuklea centralo, kiun kaŭzis la tertremo en Japanio. Tri malsamaj kontribuoj pri la temo estas en ĉi-numero. Vi legos intervjuon kun Dolchamar, la muzikgrupo kiu antaŭnelonge lanĉis sian trian albumon "Trajn' Nenien".

Pliajn interesajn artikolojn vi legos, kiel pri dormo-cikloj, Internacia Klubo de surkape starantoj, laboro de Esperantistoj en Tanzanio, la Blaga Blogo, kiu ĉi-foje solvas murdkrimon, kaj movadaj novaĵoj de TEJO-Tutmonde.

La elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan paperan jarkolekton hejme. Pliaj informoj ĉi tie.

Bonan legadon
Rogener Pavinski
Redaktoro de Kontakto
kontakto.tejo.org

Drogoj: Krimaj aŭ laŭleĝaj?

2011-05-17T16:18:00.000-07:00

Drogo estas stimula, halucina aŭ stuporiga substanco. Ili estas konsumataj jam de praaj socioj en la mondo. Ĉu tio signifas ke drogokonsumado estas natura al homa vivo?

Alkoholo kaj nikotino estas liberaj drogoj en granda parto de la mondo. Kiel oni konsciigu pri iliaj danĝeroj? Ĉu la malpermeso estas efika? Ĉu laŭleĝigi ilin estas la plej bona solvo?

Kelkaj asertas ke laŭleĝa komerco de drogoj povas efiki kontraŭ krimo kaj perforto, kiu rilatas ĝian komercon kaj malpermesitan konsumon. Kion vi opinias pri tio? Kiel drogoj efikas en via socio?
Verku por Kontakto

Intervjuo kun JOMO

2011-04-11T15:26:00.000-07:00

Kvarlingva retejo de JOMO - Alklaku por aliri

La muzikisto Jean-Marc Leclercq, pli konata kiel JoMo, lanĉis antaŭnelonge sian propran tre belan kaj grafike allogan retejon. Preskaŭ samtempe aperis muzikvideo de "Sexy Esperanto" lia nova muzikaĵo en la angla lingvo.

Pri detaloj de tiom multaj novaĵoj, Kontakto intervjuis lin kaj publikigas ĝin ekskluzive en nia retejo. Legu la intervjuon sube.

Kion vi celas per la lanĉo de propra retejo?

Fakte mi nenion celas ;-). Hazarde, unu amikino, kiu estas kantistino de klasika muziko montris al mi sian propran novan retpaĝon, kaj mi malkovris ke la grafismo estas klare pli bone ol ĝenerale sur aliaj paĝaroj de la reto. Mi pli frue ne pensis havi propran retejon, sed havi grafike belan retejon, tio estas tute alia afero !

Kial vi, multjara artisto, tiom multe prokrastis lanĉon de propra retpaĝo?

Mi ne antaŭkalkulas kion mi devus fari, kaj kial aŭ eĉ kiam. Mi sekvas proprajn dezirojn. Pro tio, ĉio, kiun vi povas fari per retejo (publikigi tekstojn, fotojn, videojn, muzikojn, informojn) estis nur aldona argumento kiu sekvis la deziron havi grafikan retejon. Ĝenerale mi funkcias tiel pri ĉiuj temoj de la vivo. Mi ne estas strategisto, mi volas unue plezuriĝi. Mi estus tre malbona generalo.

Kial vi lanĉis novan kanzonon "sexy esperanto" en la angla? Ĉu vi delonge registras kantojn en aliaj lingvoj?

Mi kantas en pluraj lingvoj, sed registris preskaŭ nur en la franca, esperanto aŭ la okcitana lingvo. Kun Rozmariaj Beboj mi kantis sur la diskoj en diversaj lingvoj ankaŭ. Mi komencas nun miksi ilin (Ekzemple: kanzono « Oran » en okcitana kaj araba). Mi ankaŭ registris unu kanzonon de Mayoma (Kun kiu mi kunlaboras ĉe Afrika Kompilo de Vinilkosmo) en la lingala lingvo ĉar mi lernas ĝin : « Olingi to oboyi ngai » videblan sur YouTube.

Pri « Sexy Esperanto », la afero estas tute alia. Mi lernis de ukrainaj esperantistoj praktiki «lingvan aikidon », aŭ kiel uzi la forton de la kontraŭanto. Mi esperas ke tiun kanzonon aŭdos homoj ekster de la esperanta movado nur por danci, tiam ili aŭdos 32 fojojn la vorton «Esperanto»! La teksto de «Sexy Esperanto», kiun mi verkis en 2 minutoj kaj duono estas nur aro de ŝtelitaĵoj kiuj aperas en du mil aliaj kanzonoj de rokenrolo krom unu frazo: «What’s that language that you speak, that’ not french and that’s not greek ?» (Kiu estas tiu lingvo, kiun vi parolas, ne estas franca, ne estas greka ?)

Ĉu vi planas eldoni albumon en alia lingvo krom esperanto?

Nuntempe mi konstruas repertuaron en la okcitana lingvo. La okcitana medio estas amuza, ĝi tiel forte similas la esperantan ! Samaj problemoj, samaj agadoj, ... samaj homoj fakte. Pli kaj pli en Tuluzo la du movadoj miksiĝas. Ili delonge kunlaboras. Mi tedigas la varbantojn de ĉiu lingvo per la alia, amuzege! Eldoni tutan albumon en la okcitana povus esti projekto, sed ĝi certe enhavus parton en esperanto (aŭ lingala, pola, ĉuvaŝa ...)

Kiel estiĝis la kunlaboro kun Roĝer Borĝes por la video?

Labori kun li estis ege plezurige. Bonhumoro kaj efiko kune en supra nivelo! Brazila malstreĉo. Li venis unu semajnfinon kun edzino kaj bofratino (ĉiuj du hispaninoj) kaj la du tagoj tute ne aspektis kiel laboro, sed kiel plaĉa amika renkontiĝo. Li malfermis la vesperon sur scenejo en koncertsalono «Le Phare». Malfeliĉe mi ne renkontis Kati-n, (la knabino, kiu dancas) ŝi filmis sian parton en Meksikio. Ĉiuj miaj amikoj, post rigardo de klipo, diras al mi : « Ne malbone via filmeto, amuzete, sed ... hmm hmmm, kiu estas tiu knabino kiu dancas ? » kun nekutima brilo en okuloj.

Dialogo inter generacioj

2011-04-04T12:36:00.000-07:00

Kontribue al kongresa temo de la UK en Danio, kiu konsistigos la Internacia Jaro de la Junularo, lanĉita de UN, Kontakto invitas vin verki artikolon pri la temo "Intergeneracia Dialogo", kiun José A. Vergara proponis en revuo Esperanto.

"En la nuna, rapide ŝanĝiĝanta mondo, Esperanto kerne bezonas siajn junulojn por pluvivantigi sin kaj adaptiĝi al la novaj kondiĉoj kiel kunlabora, eduka, socie engaĝiĝinta iniciato, samkiel la homaro bezonas sian junularon por alfronti la diversajn defiojn kaj krizojn de la nuna realo (sociekonomiajn, ekologiajn, politikajn, ktp), cele al nia komuna estonteco. Esperantujo kaj la mondo el kiu ĝi estas konscia ero nepre kreu taŭgajn spacojn por vera, fruktodona kaj respektoplena dialogo inter la generacioj."

(el enkonduka artikolo de J.A.Vergara, publikigita en la revuo Esperanto)

La nova numero de Kontakto jam estas en la reto

2011-03-24T13:12:00.000-07:00

La pdf-versio de "Kontakto 2011:1" jam haveblas ĉe la Reta Jarlibro de UEA. La ĉef-temo de tiu ĉi numero estas "Sinmortigo", la 10ª mortokaŭzo en la mondo. Aldone, vi legos intervjuon kun Simmon K. Barney, animaciisto, kiu kreis la filmeton "Ĉapeloj", superrigardon pri la filma jaro 2010 kaj novan rubrikon - La blaga blogo kaj multon pli.

Kontakto daŭre novumas. Nun ĝi havas 24 paĝojn kaj revenis al tradicia formato, kiun ĝi havis dum la 90aj jaroj! Sen rakonti pri la nova movada rubriko! Do, tion vi ne povas maltrafi!

La elŝutado eblas nur por abonantoj. Por elŝuti ĝin vi devas iri al la paĝo http://reto.uea.org/, ensaluti kaj poste elekti la sekcion "Teko". Se vi ankoraŭ ne estas abonanto, ne perdu tempon kaj ricevu la tutan jarkolekton hejme. Pliaj informoj ĉi tie.

Gajnu la novan albumon de Dolchamar "Trajn' nenien"

2011-03-20T20:49:00.000-07:00

Revuo Kontakto kune kun la disko-eldonejo Vinilkosmo premios la kunlaborantojn per la nova albumo de Dolchamar - "Trajn' Nenien".

Se vi volas gajni tiun albumon, hastu sendi vian kontribuon ĝis la 4a de aprilo. Vi povas kontribui per plej diversaj temoj, se vi volas trovi inspiron, vizitu nian temaron kaj elektu temon, kiu instigas vian verkemon. La lotumado okazos post la apero de la numero 2011:3.

Tabako

2011-03-13T12:24:00.000-07:00

Ĉiuj scias ke fumado damaĝas sanon. Ĉu ja ĉiuj? Malgraŭ la nuntempa provo sieĝigi ĝian reklamandon kaj konsumadon, cigaredo estas unu el la plej venditaj produktoj en la mondo.

La sociaj kostoj, ĝia industrio kaj damaĝo al la sano. Jen nur kelkaj eroj de vasta kaj tikla temo. Kion vi, fumanto aŭ ne-fumanto havas por ampleksigi ĝin? Inspiriĝu kaj verku por Kontakto.

Recikligo kaj rubaĵoj

2011-03-13T10:47:00.000-07:00

Recikligo estas procezo, kiu celas konduki rubaĵon denove al la materiala cirkulado.
Ĉar la destino de rubaĵoj estas akuta problemo en nia nuntempa socio, la recikligo fariĝas pli kaj pli grava kaj necesa en la mondo.

Ĉu estas efika sistemo por reciklado kaj prizorgado de rubadeponejoj en via regiono? Ĉu la elĵetado de rubo kaŭzas problemojn ĉe via regiono? Kiel funkcias reciklado en via loko? Ni tion deziras scii. Verku por Kontakto pri la temo.

Polemikaj tradicioj

2011-02-07T13:45:00.000-08:00

Toreo - tre polemika hispana tradicio

Tradicioj estas rakontoj aŭ kutimoj kiu eniras la memoron de komunumo kaj estas transdonita de generacio al generacio. Sed foje kelkaj tradicioj alfrontas la nuntempan socion, kiu kredas ke tiaj tradicioj nenian bonan rezulton portas al la civilizo.

Ĉu en via lando aŭ regiono ekzistas polemikaj tradicioj, kiujn ne plu kongruas kun la ĉirkaŭaĵo aŭ kiu vekas kritikojn el parto de la socio? Verku pri la temo al Kontakto.

Astrologio

2011-01-21T08:15:00.000-08:00

Ĉu vi scias ke eble via signo de la zodiako povus estis alia, ol tiu, kiun vi ĉiam kredis? Tion antaŭ nelonge proponis la astronomo Parke Kunkle, kiu asertis ke devus esti la 13ª signo la "Ophiuchus", aŭ signo de la serpento. Laŭ la movo de la tero kaj suno, la signoj ŝanĝiĝas kaj laŭ li, tiu ŝanĝo ne okazis subite.

Astrologoj siaflanke asertas ke astronomoj ne scias pri kion ili parolas rilate astrologion. Tradicie, laŭ astrologio, estas 12 signoj de la zodiako (la datoj estas proksimume kiam la suno estas en ĉiu signo laŭ Okcidenta astrologio)

Stelaŭgurado aŭ astrologio (el la greka ἄστρον [AStron] "stelo", kaj -λογία [loGIa] "studo de") estas aro de sistemoj, tradicioj kaj kredoj laŭ kiuj la relativa pozicio de ĉielaj korpoj kaj rilataj detaloj povas provizi informojn pri personeco, homaj aferoj kaj aliaj surteraj okazaĵoj. Sciencistoj rigardas la stelaŭguradon kiel ŝajnsciencon aŭ superstiĉon. Kaj vi, kion vi opinias pri la temo? Verku por Kontakto.