Rezultoj de la 2ª Muzika Konkurso de la revuo Kontakto

Martin Wiese

Martin & La Talpoj kaj La Perdita Generacio estas la venkintoj en la kategorio “Kanto de la Jaro” de la 2ª Muzika Konkurso de Kontakto. La Princino, de Martin & La Talpoj ricevis la 1-
an lokon kaj La 100a Fojo de La Perdita Generacio ricevis la 2-an lokon en la voĉdonado far la ĵurio.

La Perdita Generacio

La venkinto en kategorio “Premio de la Publiko” estas estas la kanto “Tiu Brakumo Unika” de Lucio Avitabile kaj Roberto Pigro, kiu ankaŭ venkis la premion “Nova Talento”. Estis enkalkulitaj entute 196 voĉdonoj por la “Premio de la Publiko”. Partoprenis 14 konkursaĵoj el diversaj stiloj kaj el diversaj landoj, kiuj estis aŭskultitaj 7,900 fojojn.

Kelkaj konkursantoj partoprenis la duan fojon per novaj kantoj (La Perdita Generacio, kiu venkis pasintjare en “Kanto de la Jaro” kaj “Premio de la publiko”, Sepa kaj Asorti, Roberto Pigro k SoNori) kaj aliaj konataj  muzikistoj partoprenas la unuan fojon (Flávio Fonseca, Ĵomart kaj Natasa kaj Martin Wiese). Ankaŭ novaj artistoj kaj pli amatoraj muzikistoj volas konigi al la esperantistaro sian arton, kiel ekzemple Maragan', Sonori kaj Tiu Ne Gravas.

Lucio Avitabile

La konkurso ĉi-jare proponis premiojn por tri kategorioj: Kanto de la Jaro, Premio de la publiko kaj Nova Talento. La unua loko por la Kanto de la Jaro ricevos 200 EUR, la dua loko
100 EUR, la Premio de la Publiko 100 EUR kaj Nova Talento premios unu konkursaĵon per 100 EUR. Ĉiuj premiitoj devas ricevi diplomon/ateston.

La ĵurio en 2015 konsistis el: Barbara Pietrzak – Pollando [radio–ĵurnalisto, Estrarano de UEA pri kulturo], Stano Marĉek – Slovakio [instruisto, eldonisto, membro de Akademio de Esperanto], Kim J. Henriksen – Danio [muzikisto], Szilvási László – Hungario [entreprenisto, ĵurnalisto], Juliana Evandro – Brazilo [TEJO-estrarano pri kulturo].

La Muzika Konkurso de Kontakto estas organizita de la revuo Kontakto kaj de la kultura komisiono de TEJO, kun financa apogo de UEA kaj disvastiga helpo de EUROKKA. Ĝi realiĝis unuafoje en 2014 kaj naskiĝis kun la celo plenigi la truon, kiun lasis la forlaso de la branĉo "Muziko" el la Belartaj Konkursoj de UEA en 2011.

Ĉiuj konkursaĵoj aŭskulteblas ĉe: https://soundcloud.com/revuo-kontakto/sets/2-muzika-konkurso-de-kontakto-2015